Klarnet ifaçısı Hüseyn: “Qadınlar “qarpız” kimidir, kəsəndə görürsən ki, içi ağdır” - VİDEO

“Gərək elə bir insanla ailə qurasan ki, sonradan peşman olmayasan. Yaxşı bir insan, səni anlayan olsun. Sonra isə illərinə heyifin gəlir. Xərclənən pullar və əşyalar və sairə boş şeylərdir. Əsas gedən illərdir”. 

Bizim.Media xəbər verir ki, bu sözləri klarnet ifaçısı Hüseyn Məhəmməoğlu qonaq olduğu “Səhər mərkəzi” verilişində deyib. 

Proqramda boşanan ailələrdən söz düşərkən sənətçi qadınları “qarpız” adlandırıb: 

“Ailə quranda düzgün seçim etmək həyatda ən önəmli məsələlərdən biridir. Qadınlar “qarpızdır”. Qarpızı kəsirsən, birdə görürsən ki, içi ağdır (gülür). Demək olmaz ki, bütün günahlar kişilərdədir və tərsinə günahlar qadınlardadır. Fərqlidir...

Amma insan ailə qurur ki, xoşbəxt yaşasın. Gələcəyini düşünsün... Bir də görürsən ki, aləm dəydi bir-birinə”. 

Qeyd edək ki, H.Məhəmmədoğlu birinci xanımı İncidən bir neçə il əvvəl ayrılıb. Cütlüyün iki qız övladı var. Musiqiçi daha sonra ikinci dəfə Akademik Milli Dram Teatrının aktrisası və müğənni Aysel İbrahimova ilə ailə qurub. Onların bu nikahdan ötən il Muhammed adlı oğlan övladı dünyaya gəlib.