Afaq Gəncəliyə NƏ OLUB? - FOTO

Aparıcı Afaq Gəncəlinin səhhətində problem yaranıb.

Bizim.Media xəbər verir ki, bu barədə xeyriyyəçi Hacı Nuran sosial şəbəkə hesabında məlumat yayıb.

"Afaqın ürəyində böyük bir dərdi var, amma bunu içində çəkib həmişə, dərdlər onu möhkəm edib.

Mən heç Afaqı qəmli, qanıqara görmədim. Həmişə şad-xürrəm olub. Göz yaşını içinə axıdıb, qəhərini boğazında boğub. Elə içinə axıtdığı göz yaşı, boğazında düyünlənən qəhər onun səhhətində problemlər yaratdı. Afaq Gəncəli sağlamlığı ilə sınağa çəkilib. Hamının onun üçün dua etməsini diləyirəm. Çünki mənim dostumun bu dualara böyük ehtiyacı var. Allah şəfa versin", - deyə Hacı Nuran paylaşımında yazıb.
Qeyd edək ki, Afaq Gəncəli bir neçə gün əvvəl səhhətində yaranan problemlə əlaqədar aparıcısı olduğu "Səhər mərkəzi" verilişindən ayrılıb.


Rəşad Əliyev, Bizim.Media