Məşhur repçini POLİS AXTARIR - FOTO

Hazırda oxunan: Məşhur repçini POLİS AXTARIR - FOTO

123409

31 yaşlı amerikalı repçi Travis Skot axtarışa verilib.

Bizim.Media “NBC” nəşrinə istinadən xəbər verir ki, o, gecə klubunda zorakı davranışına görə Nyu-York polisi tərəfindən axtarışa verilib.

Musiqiçi keçmiş sevgilisi Kayli Cennerin çərşənbə günü səhər tezdən Manhettendəki Nebula əyləncə məkanında səs rejissorunu vuraraq 12.000 dollar dəyərində ziyan vurmaqda ittiham olunur.
Bildirilir ki, hər şey şifahi münaqişə ilə başlayıb, lakin sonradan davaya çevrilib və güya Travis tərəfindən klubun əmlakına ziyan vurulub. Bundan sonra, polisin məlumatına görə, musiqiçi avtomobillə 41-ci küçə ilə ortalıqdan yoxa çıxıb.

Repçinin rəsmisi öz adından tələsik bəyanat yayıb.

“Bu, açıq-aydın dezinformasiyadır və biz vəziyyəti həll etmək və düzəltmək üçün klub rəhbərliyi və hüquq-mühafizə orqanları ilə fəal işləyirik”, - deyə Skottun vəkili Mitçel Şuster vurğulayıb.

Rəşad Əliyev, Bizim.Media