Xankəndi şəhərində türk məhsulları satılır

Azərbaycanın qədim Xankəndi şəhərində rəflərdə türk məhsulları satılır.

Bizim.Media xəbər verir ki, bu barədə informasiya “Novosti Armeniya” Telegram kanalında yer alıb.

Mənbə yazır ki, qondarma rejimin “təhlükəsizlik xidməti” türk mənşəli məhsulların Xankəndi bazarına necə daxil olduğunu araşdırır.
“Dünən “Facebook” sosial şəbəkəsində Xankəndidə türk mənşəli kənd təsərrüfatı məhsullarının satışı ilə bağlı məlumat yayılıb”, - mesajda deyilir.

Mənbə yazır ki, Ermənistanın Milli Təhlükəsizlik Xidməti də bu məhsulların mənşəyini və Xankəndi bazarında necə göründüyünü aydınlaşdırmaq istəyir.

Xatırladaq ki, rus sülhməramlılarının müvəqqəti nəzarətində olan Azərbaycan ərazisinə ərzaq və kənd təsərrüfatı məhsulları Ermənistandan kontingentin yük maşınları ilə gətirilir. 

Bizim.Media