Xəbər verdiyimiz kimi, Ümumdünya Səhiyyə Təşkilatının (ÜST) araşdırmasına görə, COVID-19 insanlara yarasadan keçməyib.
Virus haqqında kanspiroloji iddialar da irəli sürülür ki, xəstəlik xüsusi şəraitdə yetişdirilib və idarə olunur.
MÖVZU İLƏ BAĞLI:
Koronavirus mutasiyalarının təhlükəsi ilə bağlı ÜST-dən xəbərdarlıq
Mövzuya aydınlıq gətirmək üçün ekspert Adil Qeybullaya müraciət etdik.
O, Bizim.Media-ya açıqlamasında dedi ki, ÜST-ün pandemiya dövrünün sonuna yaxın bu cür bəyanat yaymasının heç bir əhəmiyyəti yoxdur:
“Bu gün biz pandemiya dövründə yaşayırıq. İnfeksiya zoomotikdir, heyvandan insana keçib. “Sars-Cov-2” “Sars-Cov-1”nin anoloqudur. Koronavirus infeksiyası mutasiya edərək xassəsini dəyişən virusdur".
"Biz gələcəkdə yeni-yeni sürpizlərlə qarşılaşacağıq. Ümumilikdə koronavirusun 40-dan çox növü var. Onun 7-si insanda xəstəlik törədir”.
A.Qeybulla əlavə edir ki, “COVID-19”un yarasadan keçmədiyi ilə bağlı iddiaları ortaya atan subyekt bu faktı sübüt edə bilmirsə, barəsində beynəlxalq hüquq normalarına uyğun tədbirlər görülməldir.
Gülşanə Mustafayeva, Bizim.Media
