84 bal topladı, amma arzuladığı universitetə qəbul ola bilmədi. Oğlunun gələcəyi üçün çarə axtaran ata isə 1500 manatından oldu.
Bizim.Media xəbər verir ki, Şəkinin Bolludərə kənd sakini Toğrul Allahverdiyev V qrup üzrə imtahan verərək İdman Akademiyasına qəbul olmaq istəyib.
Keçid balı 72 olsa da, 84 bal toplayan abituriyent qabiliyyət imtahanından keçə bilməyib. Sosial şəbəkələrdə özünü təhsil eksperti kimi təqdim edən şəxs abituriyentin topladığı balla akademiyaya qəbulunu təmin edəcəyini vəd edərək bunun müqabilində 1500 manat tələb edib.
Valideynlər bildirir ki, pul köçürüləndən sonra nəticə olmayıb. Həmin şəxs sadəcə vədlər verib.
Vəziyyəti öyrənmək üçün biz də sözü gedən təhsil eksperti ilə əlaqə yaratmağa çalışdıq. Lakin, telefonlara cavab vermədi.
Əldə etdiyimiz məlumata görə, vətəndaşın pul vəsaitinin ələ keçirilməsi ilə bağlı Bakıda ərazi polis şöbəsinə müraciəti daxil olub. Hazırda müraciət əsasında araşdırma aparılır.
Mövzu ilə bağlı daha ətraflı Xezerxeber.az-ın videomaterialında:
Bizim.Media
