ABŞ-ın LaGuardia Hava Limanında sərnişinlər gözlənilməz hadisə ilə üzləşiblər.
Bizim.Media xəbər verir ki, Spirit Airlines qeydiyyat məntəqəsinin yaxınlığında yenot tavandakı boş paneldən qəfil terminala düşüb.
Təhlükəsizlik kameralarının qeydə aldığı görüntülərdə heyvanın qısa müddət kabeldən asılı qaldıqdan sonra yerə düşdüyü, bunun ardınca isə sərnişinlər və hava limanı əməkdaşlarının təşviş içində ətrafa qaçdığı görünür.
Liman rəhbərliyinin məlumatına görə, hadisə səhər saat 08:00 radələrində baş verib. Yenot qısa müddət sonra təhlükəsiz şəkildə tutulub. Hadisə nəticəsində nə heyvan, nə sərnişinlər, nə də əməkdaşlar xəsarət alıb.
Bizim.Media
