Sumqayıtda məşhur lor həkim həmkarını sertifikatsız işlədirmiş? - VİDEO

Hazırda oxunan: Sumqayıtda məşhur lor həkim həmkarını sertifikatsız işlədirmiş? - VİDEO

626699

Xəbərləri Google-da birbaşa bizim.media-dan alın Google-da bizim.media-ya abunə ol Google axtarışında bizim.media-nı seçilmiş mənbə kimi əlavə edin Abunə ol

Sumqayıtda sertifikatsız həkim işlədən klinika cərimələnib. Eyni zamanda həkim haqqında da tədbir görülüb.

Bizim.Media “xezerxeber.az”a istinadla xəbər verir ki, söhbət şəhər ərazisində yerləşən "Cahangir-2020 Lor Center" Məhdud Məsuliyyətli Cəmiyyətdən gedir.

Məlumata görə, Səhiyyə Nazirliyinin Analitik Ekspertiza Mərkəzinin Tibbi nəzarət şöbəsi MMC-də yoxlama aparıb.

Özəl tibb müəssisəsində keçirilən plandan kənar yoxlama zamanı həkim Nurlan Bəylərovun sertifikatsız praktik tibb fəaliyyətinə buraxılması faktı aşkarlanıb.

"Cahangir-2020 Lor Center" MMC-dən "Xəzər Xəbər"ə bildirildi ki, özəl klinikanın bəlli sayda həkimi var. Nurlan Bəylərov 2021-ci ildə təhsilini bitirib və 2022-ci ildə diplom alıb. Həkimlər də məhz 5 ildən bir sertifkasiyaya cəlb olunmalıdır.

Klinakada olan həkimlərin hamısı birlikdə sertifikasiyadan keçməyə göndərilib. Lakin Səhiyyə Nazirliyindən bildirilib ki, Nurlan həkimə hazırda ehtiyac yoxdur, o 2027-ci ildə sertifikasiyadan keçməlidir. Klinikadan əlavə edilib ki, sadəcə anlaşılmazlıq olub, amma adıçəkilən həkim də baş verənlərə görə işdən uzaqlaşdırılıb.

Bizim.Media