Yağıntılı hava üzüm bağlarında göbələk mənşəli xəstəliklərin yayılmasını sürətləndirib.
Bizim.Media “xezerxeber.az”a istinadla xəbər verir ki, salyanlı bağ sahibləri bildirirlər ki, salxımlar zədələnib, yarpaqlarda ləkələr əmələ gəlib. Bu isə məhsuldarlığı azaldıb, həm də satış üçün toplanan üzüm yarpaqlarının keyfiyyətinə mənfi təsir göstərib.
Təsərrəfat sahiblərinin sözlərinə görə, bağların dərmanlanması da qiymətlərin yəksək olması səbəbindən çətinləşib.
Məsələ ilə bağlı Salyan Bitki Mühafizəsi və Fumiqasiya Mərkəzinin rəisi Vidadi Cəfərov bildirib ki, yaranmış vəziyyət əsasən uzunmüddətli yağışlı və rütubətli hava şəraiti ilə əlaqədardır.
Onun sözlərinə görə, xəstəliklərə qarşı vaxtında dərmanlama işlərinin aparılmalı, aqrotexniki qaydalara əməl edilməlidir.
Bizim.Media
