ABŞ prezidenti Donald Tramp İsrailin Qətərdə Fələstinin HƏMAS hərəkatının rəhbərliyinə hücumundan narazı olduğunu bildirib.
Bizim.Media xəbər verir ki, ABŞ lideri jurnalistlərə açıqlamasında bu barədə danışıb.
"Bu vəziyyətdən razı deyiləm. Bu, yaxşı vəziyyət deyil. Girovların geri qaytarılmasını istəyirik, lakin bu hücumun baş verməsindən məmnun deyilik", - Tramp deyib.
Qeyd edək ki, sentyabrın 9-da İsrail Qətərin paytaxtı Doha şəhərində HƏMAS liderlərinin olduğu binaya hava zərbəsi endirib.
Hücum nəticəsində altı nəfər həyatını itirib. Hadisədən sonra Qətər Qəzza danışıqlarında vasitəçilikdən çıxdığını elan edib. BMT-nin baş katibi Antonio Quterreş isə İsrailin Dohada HƏMAS liderlərinə qarşı endirdiyi zərbəni pisləyib.
Bizim.Media
