Məşhur reper həbsxanada qaydaları pozdu – Cəza müddəti ARTDI - FOTO

Hazırda oxunan: Məşhur reper həbsxanada qaydaları pozdu – Cəza müddəti ARTDI - FOTO

642686

Amerikalı reper P. Diddy (Şon Kombs) başqa həbsxanaya köçürülüb və yaxşı davranışına görə cəza müddətinin azaldılması imkanından məhrum edilib.

Bizim.Media xəbər verir ki, bu barədə TMZ məlumat yayıb.

Məlumata görə, reper Nyu-Cersi ştatındakı islah müəssisəsindən Pensilvaniyadakı həbsxanaya köçürülüb. Həbsxana qaydalarını pozduğu üçün onun mümkün azadlığa buraxılma tarixi 41 gün gecikib.

Qeyd edək ki, P. Diddy, əsl adı Şon Kombs olan amerikalı reper və musiqi prodüseri, seksual istismar və insan alveri ilə bağlı cinayət işi üzrə həbs olunub.

O, 2024-cü ilin sentyabrında Nyu-Yorkda həbs edilib. İttiham tərəfi onu qadınları təzyiq və məcburiyyət yolu ilə cinsi xarakterli tədbirlərdə iştirak etməyə sövq etməkdə, habelə bu fəaliyyətlə bağlı cinayət şəbəkəsi yaratmaqda ittiham edirdi.

2025-ci ilin iyulunda məhkəmə onu qadınları fahişəliyə cəlb etməklə bağlı iki maddə üzrə təqsirli bilib. Bununla yanaşı, reketçilik və insan alveri ilə bağlı daha ağır ittihamlar üzrə bəraət verilib.

Bizim.Media