Fransanın birinci xanımı Brijit Makronun 42 yaşlı qızı Tipen Ozyer 22 yaşlı tələbə Antuan Lekontla eşq macərasına başlayıb və cütlük arasındakı 20 illik yaş fərqi anasının öz hekayəsini xatırladır.
Cütlük bu yay Fransanın şimal-qərb sahilindəki Le-Tuq kurort şəhərciyində tanış olub. Həmin vaxt kayserfinq təlimçisi işləyən Lekont Tipenə elektrik serfinq lövhəsi olan elektrofoil sürməyi öyrədib.
Tipenin yaxın dostu "Gala" jurnalına bildirib ki, onların ortaq səyahət, sahibkarlıq və ekstrim həvəsi kimi bir çox ümumi cəhətləri var.
Tipenin bu yeni romanı 2026-cı ilin mayında məşhur televiziya aparıcısı Kirill Hanuna ilə münasibətləri bitdikdən sonra başlayıb. O, artıq yeni sevgilisini 12 yaşlı Eliza və 10 yaşlı Orel adlanan övladları ilə tanış edib.
Ana və qızının həyatındakı oxşarlıqlar:
Tipen Ozyerin özündən 20 yaş kiçik gənclə münasibəti dərhal anası Brijit Makronun Fransa Prezidenti Emmanuel Makronla olan məşhur eşq hekayəsini xatırladır.
Brijitin Emmanuel ilə münasibəti sonuncunun 15 yaşlı məktəbli olduğu dövrdə başlayıb. O zaman 39 yaşında olan Brijit başqa evlilikdən üç uşaq sahibi idi və məktəbdə dərs deyirdi.
Həmin vaxt doqquz yaşında olan Tipen anasının bu münasibətini qəbul etməyin çətin olduğunu desə də, sonradan onların sevgisini özü üçün əsl sevgi nümunəsi hesab etdiyini bildirib.
Bizim.Media
