Britaniya kral ailəsi sosial mediada bir daha müzakirə mövzusu olub.
Bizim.Media xəbər verir ki, buna səbəb kral ailəsinin gəlinlərinin paylaşımları olub.
Belə ki, Londonda taxt-tacın gələcək varisi, Şahzadə Uilyam və Şahzadə Keyt Middltonun üç övladının ən böyüyü olan Corc iyulun 22-də doğum günü olub.
Valideynləri Keyt və Uilyam da ənənəyə əməl edərək bu xüsusi gündə Corcla bağ sosial mediada bəzi paylaşımlar ediblər.
İlk fotoda Corc qara kostyum və ağ köynək geyinib, əllərini cibində saxlayaraq kameraya gülümsəyir. Uelsli cütlük bu foto ilə böyük oğulları Corcun ad gününü təbrik ediblər.
Amma onlar bununla kifayətlənməyiblər.
Bundan sonra onlar Corcun çimərlikdə çəkilmiş şəkillərini əks etdirən video yayımlayıblar. Həmin videoda onlar şahzadənin ad günü təbriklərinə görə hər kəsə təşəkkür ediblər.
Görüntülərdə Corc qardaşı Luis ilə birlikdə qumda ayaqyalın qaçarkən, qayadan qayaya tullanarkən və iti sığallayarkən görünür.
Uelsli cütlüyün paylaşımından bir gün sonra isə Uilyamın illərdir danışmadığı qardaşı Şahzadə Harrinin həyat yoldaşı Meqan Markl da bir sıra paylaşımlar edib.
Meqan Marklın "Yay tətili" başlığı ilə paylaşdığı paylaşımda əri Harri və uşaqları Arçi və Lilibet ilə tətildə olduğu Portuqaliyada, eləcə də qısa müddətə Kral Çarlzla görüşdüyü İngiltərədə çəkilmiş şəkillər yer alıb.
Meqanın paylaşımında diqqətçəkən bir detal Harrinin anası Şahzadə Diananın dəfn olunduğu Altorp ziyarəti olub.
Həmin səfər zamanı Markl oğlu Arçi və qızı Lilibetin hazırda əmiləri Çarlz Spenserə məxsus olan ailə mülkünün ərazisində çəkilmiş şəkillərini də əlavə edib.
Hər iki şəkildə o, yenə də uşaqlarının üzlərini göstərməyib. Bir şəkildə Arçi Altorp mülkündə ayaqyalın gəzərkən görünür.
Meqan Marklın paylaşımında yer alan digər fotolar Portuqaliyadakı tətilləri zamanı çəkilib. Birində Harri uşaqlarla hovuzda əylənir, digərində isə bütün Sasseks ailəsi dəniz kənarında günün dadını çıxarır.
Meqan Marklın paylaşımlarının vaxt aralığı bir daha ingilis kral ailəsinin iki rəqib gəlini Keyt Middlton və Meqan Marklı sosial mediada diqqət mərkəzinə gətirib.
Bəzi insanlar Keyt və Uilyamın Corcun ad günü üçün şəkillər paylaşmasından qısa müddət sonra Meqan Marklın ailə fotolarını sosial mediada paylaşmaq qərarının bir mənası olduğunu qeyd ediblər.
Bəziləri vəziyyətlə bağlı şərh verərək bildiriblər: "Biz Meqandan belə bir addım gözləyirdik. Uels ailəsi nə vaxt üzə çıxsa, Meqan dərhal sosial mediada aktivləşir".
Marklı tənqid edənlər Böyük Britaniyadan ABŞ-a köçən Sasseks cütlüyünün paylaşımlarına reaksiya verərək "Şəxsi həyatımızın gizli qalmasını istəyirik" kimi ironik şərhlər yazıblar.
Onlar bununla bildirmək istəyiblər ki, şəxsi həyatını gizli saxlamaq istəyən biri bu cür paylaşımlar etməz. Bundan əlavə, milyonlarla izləyicisi olan sosial media hesabında uşaqların üzlərini göstərməsələr belə, onları paylaşmaz.
"Meqan diqqət çəkmək üçün iki uşağından istifadə edir. Və o, bunu Corcun ad günündən dərhal sonra edir" – deyə sosial şəbəkə istifadəçiləri yazıb.
Əlbəttə ki, bu arada Marklın paylaşımlarını bəyənənlər və "Bu qədər hay-küy salacaq bir şey yoxdur. O, sadəcə hamı kimi ailə tətilindən şəkillər paylaşır" şərhini yazanlar da olub.
Nəticədə, Uelsli cütlüyün ad günü paylaşımlarından sonra sosial mediada yayılan bu fotolar Uilyam və Harri ilə həyat yoldaşları Keyt və Meqan arasındakı gərginliyi bir daha gündəmə gətirib.
Əslində, Meqan 2018-ci ildə Harri ilə evlənib Britaniya kral ailəsinə qoşulduğundan bəri, o, həmişə Keytin rəqibi kimi təsvir olunub.
Əvvəllər ikisinin ortaq istifadə etdikləri sosial media hesabında Keyt və Meqanın tərəfdarları təhqiramiz və təhqir dolu şərhlər yazırdılar.
Buna görə də, iki ailənin hətta sosial media hesabları da ayrıldı və Meqan və Harri üçün ayrıca hesab yaradıldı.
Harri hazırda ailəsi ilə ABŞ-da yaşasa da və əsl gərginliyin iki qardaş arasında başladığı artıq aydın olsa da, Keyt və Meqan izləyicilərinin gözündə həmişə rəqib kimi görünəcəklər.
Melisa, Bizim.Media
