“Bavariya”nın hücumçusu Serj Qnabri Çempionlar Liqasının Liqa mərhələsinin 3-cü turunda “Arsenal”la keçiriləcək oyun barədə fikirlərini bölüşüb.
Bizim.Media xəbər verir ki, futbolçu UEFA-nın mətbuat xidmətinə açıqlamasında sabiq klubuna qarşı oynamağın onun üçün xüsusi əhəmiyyət daşıdığını bildirib.
"Keçmiş klubuna qarşı oyunlar həmişə xüsusi olur. Mən orada böyümüşəm və bu qarşılaşmanı səbirsizliklə gözləyirəm. Sonuncu dəfə Londonda oynamışdıq. Vaxtilə birlikdə oynadığın şəxsin məşq etdiyi komandaya qarşı meydana çıxmaq bir qədər qeyri-adidir. Qalib gəlmək istəyirik və ən vacibi də budur".
Qeyd edək ki, “Bavariya” - “Arsenal” matçı oktyabrın 21-də Münhendəki “Allianz Arena”da keçiriləcək. Qarşılaşma Bakı vaxtı ilə saat 23:00-da başlayacaq.
Bizim.Media
