«İnter Mayami» MLS müntəzəm mövsümünün 29-cu turunda doğma meydanda «Nyu-York Siti»ni 2:0 hesabı ilə məğlub edərək ardıcıl ikinci qələbəsini qazanıb və MLS pley-off mərhələsinə vəsait təmin edib.
Bizim.Media xəbər verir ki, Lionel Messinin başladığı kombinasiyanı Luis Suaresin ötürməsi və Xerman Berteramenin dəqiq zərbəsi tamamlayıb: 1:0.
Birinci hissəyə əlavə olunmuş vaxtda Messinin məhsuldar ötürməsindən sonra Rodriqo de Pol fərqi iki topa çatdırıb: 2:0.
Əlavə olunmuş vaxtın son saniyələrində "Nyu-York Siti"nin futbolçusu Nikolas Fernandes vurulan penaltini dəqiq yerinə yetirə bilməyib, qapıçı Deyn Sent-Kler topun dirəyə dəyməsinə nail olaraq qapısını toxunulmaz saxlayıb.
Lio Messi bu matçda 90 dəqiqə meydanda olub. Həm Argentina milli komandasında, həm də klubda ardıcıl 7 rəsmi oyundan sonra ilk dəfə qol vurmasa da, matçda 1 məhsuldar ötürmə (asist) verərək komandasının qələbəsində mühüm rol oynayıb.
"İnter Mayami" növbəti turda səfərdə "Atlanta Yunayted" klubu ilə qarşılaşacaq.
Bizim.Media
