Ukrayna futbolunun keçmiş rəhbəri həbs olundu

Hazırda oxunan: Ukrayna futbolunun keçmiş rəhbəri həbs olundu

627352

Ukrayna Futbol Assosiasiyasının (UAF) keçmiş prezidenti Andrey Pavelko Slovakiyanın paytaxtı Bratislavada həbs olunub.

Bizim.Media xəbər verir ki, bu barədə Ukraynanın Baş prokuroru Ruslan Kravçenko məlumat yayıb.

Baş prokuror A. Pavelkonun tezliklə Ukraynaya ekstradisiya ediləcəyini bildirib:

“Pavelko illərlə Ukrayna ədliyyə orqanlarından gizlənirdi, lakin beynəlxalq axtarış və xarici tərəfdaşlarla effektiv əməkdaşlıq öz bəhrəsini verdi. İstintaqın məlumatına görə, o, öz nəzarətində olan kommersiya qurumları vasitəsilə federasiyanın təxminən 295 milyon qrivna vəsaitinin mənimsənilməsi sxemini təşkil edib.

Bu məqsədlə dəniz məhsulları, elitar çay, qəhvə və elektrik avadanlıqlarının tədarükü üçün yalnız kağız üzərində mövcud olan fırıldaqçı müqavilələr bağlanıb. Pullar çıxarılıb, Ukrayna Futbol Assosiasiyası və onun regional bölmələri milyonlarla zərərə uğrayıb”.

Andrey Pavelko 2024-cü ilin dekabrında Ukraynanı tərk edib. Düz bir il sonra – 2025-ci ilin dekabrında UAF-ın keçmiş rəhbəri beynəlxalq axtarışa verilib.

Bizim.Media