“Neftçi” və “Zirə”nin mümkün rəqibləri müəyyənləşəcək

Bu gün UEFA Konfrans Liqasında III təsnifat mərhələsinin püşkü atılacaq.

Bizim.Media xəbər verir ki, püşkatma mərasimi Bakı vaxtı ilə saat 16:00-da başlanacaq.

Azərbaycanın turnirdəki təmsilçiləri “Neftçi” və “Zirə” də növbəti raunddakı potensial rəqiblərini öyrənəcəklər.

Hər iki klub püşkatmada səpələnməmişlər səbətində yer alacaq.

“Neftçi” hazırda II təsnifat mərhələsində Belarusun “Dinamo” (Minsk), “Zirə” isə Estoniyanın “Payde” komandası ilə mübarizə aparır.
 

“Neftçi” növbəti mərhələdə “Pakş” (Macarıstan) – “Panatinaikos” (Yunanıstan), “Jelezniçar” (Serbiya) – “Braqa” (Portuqaliya), AEK (Larnaka, Kipr) – “Beytar” (İsrail) və “Luqano” (İsveçrə) – “Dukadjini” (Kosovo) cütlərinin qaliblərindən biri ilə qarşılaşa bilər.

“Zirə”nin mümkün rəqibləri isə “Santa Koloma” (Andorra) – “Rapid” (Avstriya), “Bravo” (Sloveniya) – “Şkendiya” (Şimali Makedoniya), “Rakuv” (Polşa) – “Valletta” (Malta), “Polesye” (Ukrayna) – “Kopenhagen” (Danimarka) və “Riyeka” (Xorvatiya) – “Derri Siti” (İrlandiya) cütlərinin qalibləri olacaq.

Bizim.Media