Dünya çempionatında 40 yaşdan yuxarı 7 FUTBOLÇU oynayacaq

Hazırda oxunan: Dünya çempionatında 40 yaşdan yuxarı 7 FUTBOLÇU oynayacaq

617446

2026-cı il Dünya çempionatı üçün heyətlər açıqlanıb və 40 yaşdan yuxarı yeddi oyunçu meydanda olacaq.

Bizim.Media xəbər verir ki, 11 iyun - 19 iyul tarixləri arasında ABŞ, Kanada və Meksikada keçiriləcək Dünya çempionatında oynayacaq 40 yaşdan yuxarı oyunçular arasında turnirdə 6-cı dəfə meydana çıxacaq 41 yaşlı portuqaliyalı ulduz Kriştiano Ronaldo da var.

Turnirdə meydana çıxacaq ən yaşlı oyunçu 43 yaş 162 günlük şotlandiyalı qapıçı Kreyq Qordon olacaq.

2026-cı il Dünya çempionatında iştirak edəcək 40 yaşdan yuxarı 7 oyunçu bunlardır:

Kreyq Qordon (Şotlandiya): 43 yaşlı veteran qapıçı 2026-cı il Dünya çempionatında ən yaşlı oyunçu olacaq.

Kriştiano Ronaldo (Portuqaliya): 41 yaşlı futbolçu 6-cı Dünya çempionatında meydana çıxmaqla tarixi rekord qırmağa hazırlaşır.

Luka Modriç (Xorvatiya): 40 yaşlı yarımmüdafiəçi turnirdə ölkəsinin ən böyük ümidlərindən biri olacaq.

Manuel Noyer (Almaniya): 40 yaşlı qapıçı Almaniyanın qapısını qorumaq üçün heyətə daxil edilib.

Edin Dzeko (Bosniya və Herseqovina): 40 yaşlı hücumçu ölkəsinin hücum xəttində mübarizə aparacaq.

Qilermo Oçoa (Meksika): 40 yaşlı əfsanəvi qapıçı altıncı dəfə ev sahibi ölkənin heyətinə daxil edilib.

Vozinya (Yaşıl Burun Adaları): 40 yaşlı qapıçı ölkəsinin ilk Dünya çempionatı üçün heyətdədir. (lent.az)

Bizim.Media