Kataloniya "Barselona"sı klubun 125 illik yubileyi şərəfinə yeni maskotunu təqdim edib.
Bizim.Media xəbər verir ki, təqdimat klubun yubiley mərasimində olub.
La Liqa təmsilçisi sosial şəbəkə hesablarında paylaşım edərək maskot haqqında bunları yazıb:
“Biz Qrangel qardaşlarının "Barselona" ilə birlikdə 125 illik yubileyimiz münasibətilə yaratdığı pişik talismanını alqışlayırıq. Pişik ünsiyyətcil, xarizmatik və şəndir... Bu, dünyanın ən yaxşı klubunun ən yaxşı talismanıdır”.
Qeyd edək ki, "Barselona" növbəti matçında "Las Palmas"la qarşılaşacaq. matç bu gün keçiriləcək.
La Liqada 14 turdan sonra 34 xal toplayan "Barselona" turnir cədvəlinə liderlik edir. Çempionlar Liqasında isə komanda 3-cü yerdədir. Hans-Diter Flikin "Barselona"sı 5 matçda 12 xal toplayıb.
Bizim.Media
