UEFA təsdiqlədi: Bakıda eyni gündə 3 Avrokubok matçı olacaq

Hazırda oxunan: UEFA təsdiqlədi: Bakıda eyni gündə 3 Avrokubok matçı olacaq

149525

"Qarabağ" Avropa Liqası, "Neftçi" ilə "Sabah" isə Konfrans Liqasının III təsnifat mərhələsinin ilk oyununu eyni gündə Bakıda keçirəcək.

Bizim.Media xəbər verir ki, AFFA matçların vaxtının dəyişdirilməsi ilə bağlı UEFA-ya müraciət edib.

Qurumun mətbuat və ictimaiyyətlə əlaqələr şöbəsindən verilən açıqlamada bildirilib ki, UEFA müraciətə müsbət cavab verməyib:

"Üç avrokubok oyununun eyni gündə Bakıda keçirilməməsi ilə bağlı UEFA-ya müraciət etmişdik. UEFA-dan bizə cavab verildi ki, qonaq komandalardan biri razılaşarsa, matçlardan biri avqustun 9-da keçirilə bilər.

Lakin rəqib komandalar səfər proqramını öncədən tərtib etdiklərindən bununla razılaşmadılar. Nəticədə, UEFA yekun qərarı verdi ki, oyunlar bir gündə avqustun 10-da keçirilsin".

Qeyd edək ki, "Qarabağ" - HİK, "Sabah" - "Partizan" və "Neftçi" - "Beşiktaş" qarşılaşmaları 10 avqust tarixində baş tutacaq.

Rəşad Rafiqoğlu, Bizim.Media