Gəncə Şəhər Baş Polis İdarəsinin rəisi polis general-mayoru Rasim Musayevin vəzifəsi dəyişdirildikdən sonra polis polkovniki Faiq Şabanov onun yerinə təyinat aldı. Bir müddətdən sonra adıçəkilən idarənin Baş Cinayət Axtarış Şöbəsi rəisinin müavini işləyən qardaşı İlqar Şabanovun barəsində mətubatda gedən çoxsaylı yazılardan sonra başqa rayon polisinə vəzifəyə göndərildi. Amma buna baxmayaraq bu günə kimi öz kürəkəni , qardaşı oğlanları və digər yaxın qohumları hələdə müxtəlif vəzifələrdə qalmaqda davam edir.
Gəncə Şəhər Baş Polis İdarəsinin rəisi Faiq
Şabanovun qardaşı oğlu, həm də yeznəsi polis kapitanı Ramin Şabanovu GBPİ-nin
Dövlət Yol Polis bölməsində rəis müavini vəzifəsinə təyin edib. Amma bu
təyinat əslində GBPİ-nin DYP bölməsinə əlavə nəzarət etməyə hesablanıb.Əslində
DYP bölməsində rütbəcə yüksək olan onlarla polis əməkdaşları var. Digər
postda GBPİ-nin rəisinin digər qardaşı oğlu polis kapitanı Azər Şabanov isə
Nizami rayonun Qeydiyyat və şəxsiyyət vəsiqəsi bölməsinin rəis əvəzi vəzifəsini
icra edir. Digər kiçik vəzifələrdə isə öz yaxın qohum-əqrəbalarından olan onlarla polis əməkdaşlarını
ya yeni polisə gətirilib, ya da
ki, keçmiş xidmət yerlərini dəyişib.
Gəncə
DYP-də Gəncə Şəhər Baş Polis İdarəsinin rəisi Faiq Şabanovun kürəkəni şəxsi
biznes marağı üçün özünə “evakuator” alıb. Gün ərzində tabeçiliyində olan
DYP-nin patrul xidmətində xidmət keçən əməkdaşlarının vəzifələri
DYP-nin cərimə meydançasına tapşırılan
normada maşınlar gətirməklə “kürəkən”ə pul qazndırmağa istiqamətlənib.
Evakuator xidməti 20 azn olsa da 1 manat da olsun dövlət büdcəsinə pul ödənilmir.
Rəis Faiq Şabanov cinayətkarlığa qarşı mübarizə əvəzinə polisin strateji
postlarına öz yaxınlarını yerləşdirməklə şəxsi mənafeyini güdməyə xidmət edir. İdarə
rəisi Gəncədə sahibkarlıqla məşğul olan şəxslərin təhlükəsizliyini təmin eləmək,
asayişini qorumaq əvəzinə azad biznesi “boğmaq”la, iş adamlarını “yükləməklə” məşğuldur.Rasim
Musayevin dövründə də qüsurlar olsa da Gəncə
elitası və sıravi gəncəlilərin siyasi hakimiyyətdən ümidsizliyi indiki həddə
deyildi. Bu, daha çox sosial narazılıqlar səviyyəsində idi və R.Musayev bu
narazılıqları nəzarətdə saxlamağı, imkan düşdükcə isə həll etməyi bacarırdı. Ən
başlıcası isə R.Musayev Gəncə elitası ilə qarşıdurma yolunu yox, əksinə, əməkdaşlıq
yolunu seçmişdi. İndi isə ölkənin ikinci paytaxtı hikkəsi yerə-göyə sığmayan icra başçısı E.Vəliyevlə
polis rəisinin şıltaqlığının girovuna
çevrilib.Yəqin ki, Daxili İşlər Nazirliyinin rəhbərliyi Gəncə polisində kök
salmış bu qohumbazlığı və digər nöqsanlar baədə köklü addımlar atmaqla gəncəlilərin
içindəki narazılıq oduna sərin su səpəcəklər...
