Türkiyədə nazir oğlu və 14 nəfər sərbəst buraxıldı

Hazırda oxunan: Türkiyədə nazir oğlu və 14 nəfər sərbəst buraxıldı

38637

Moderator.az cumhuriyet.com.tr-ə istinadən xəbər verir ki, İstanbulada başlayan rüşvət əməliyyatı zamanı saxlanılanlardan 49 nəfər məhkəmə qarşısına çıxıb. Məhkəmə şəhərsalma və ətraf mühit naziri Ərdoğan Bayraktarın oğlu Oğuz Bayraktarı və digər 14 nəfəri ölkə xaricinə çıxmamaq şərti ilə sərbəst buraxıb.

Xatırladaq ki, dekabrın 17-də iqtisadiyyat naziri Zəfər Çağlayanın oğlu Salih Kaan Çağlayan, daxili işlər naziri Müəmmər Gülərin oğlu Barış Gülər, şəhərsalma və ətraf mühit naziri Ərdoğan Bayraktarın oğlu Oğuz Bayraktar, Z. Çağlayanın köməkçiləri Behçet Kaynar və Onur Kaya, Ə. Bayraktarın müşaviri Sadık Soylu, bu nazirliyin şəhərsalma idarəsinin müdiri Mehmet Əli Kahraman, İstanbulun Fatih rayonunun AKP-dən olan bələdiyyə başqanı Mustafa Dəmir, “Halkbank”ın baş direktoru Süleyman Aslan, ölkənin ən zəngin iş adamlarından olan Əli Ağaoğlu, sənətçi Əbru Gündəşin həyat yoldaşı, məşhur iş adamı Rza Zərrab və digər şəxslər polis tərəfindən saxlanılmıəşdı.

© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.