Finlandiya "NATO" pivəsinin istehsalına başladı

Finlandiyada kiçik pivə zavodu Skandinaviya dövlətinin Qərb hərbi ittifaqına qoşulmaq istəklərini qeyd etmək üçün NATO adlı pivə istehsal edib.

Bizim.Media xəbər verir ki, bu haqda informasiyanı AP agentliyi yayıb.

Olaf Brewing-in NATO pivəsinin üzərində qurumun kompas simvolu ilə bəzədilmiş metal zirehdə pivə içən orta əsr cəngavərinin karikaturası olan mavi etiket var.

Pivənin adı fin dilindəki “Otan olutta” ifadəsi (mənası “pivə içəcəyəm”) və fransızca “NATO – OTAN” abbreviaturası üzərində qurulmuş bir oyundur. 

Şimali Atlantika Müqaviləsi Təşkilatının iki rəsmi dili var: ingilis və fransız.

Cümə axşamı şirkətin baş direktoru Petteri Vanttinen xəbər agentliyinə bildirib ki, zavodun həftəsonu pivə istehsalına başlamaqla bağlı xüsusi qərarı "Ukraynadakı müharibə və onun Finlandiya üçün fəsadları ilə bağlı narahatlıq" ilə əlaqədardır.

Bizim.Media