Çində istehsal olunan və böyük maraq doğuran "SC01" (bəzi mənbələrdə SSC SC01 və ya JMEV 01) adlı elektrikli kupé modelinin texniki göstəriciləri və bazar perspektivləri rəsmi olaraq təsdiqlənib.
Bizim.Media xəbər verir ki, avtomobil iki elektrik mühərriki vasitəsilə 429 at gücü hasil edir, 100 km/saat sürəti cəmi 2,9 saniyəyə yığır.
Çin bazarında təxminən 31,000 - 34,000 ABŞ dolları ekvivalentinə (təqribən 230,000 yuan) satışa çıxarılan bu model “Tianjin Gongjiangpai Auto Technology” tərəfindən layihələndirilib və “Jiangling Motors” şirkətinin törəmə müəssisəsi olan JMEV tərəfindən istehsal olunur.
Yüksək performansına və ucuz qiymətinə baxmayaraq, xüsusilə idxal məhdudiyyətləri, tənzimləmələr və brendin qlobal satış strategiyası səbəbindən avtomobilin Şimali Amerika (ABŞ) bazarına çıxarılması ehtimalı çox aşağı qiymətləndirilir.
Bizim.Media
