Nepallıların və sosial şəbəkə istifadəçilərinin diqqətini çəkən təsirli hadisə Trişuli-Bazar rayonunda qeydə alınıb.
Bizim.Media "The Times of India" nəşrinə istinadən xəbər verir ki, yerli sakinlərin evlərini məhv edən güclü daşqınlardan sonra ərazidə təkbaşına qalan bir it artıq bir neçə gündür ki, həmin yeri tərk etmir.
Fəlakətdən əvvəl dörd yaşayış evinin yerləşdiyi həmin torpaq sahəsində dayanmaqda davam edən dördayaqlı dost sanki itirdiyi evini və sahiblərini gözləyir. Heyvanın bu sədaqəti və dözümü bölgədəki xilasedicilərin və yerli sakinlərin ürəyini dağlayıb. Daşqının izləri hələ də silinməsə də, itin bu hərəkəti faciə fonunda əsl sədaqət rəmzinə çevrilib.
Bizim.Media
