Zelenski: “Ukrayna Rusiya istiqamətində zərbələri dayandıracaq”

Ukrayna Prezidenti Volodimir Zelenski bəyan edib ki, Kiyev Moskvada planlaşdırılan yeni görüşləri nəzərə alacaq və beynəlxalq tərəfdaşların xahişi ilə müəyyən istiqamətlərdə zərbələri müvəqqəti dayandıracaq.

Bizim.Media xəbər verir ki, bu barədə o, özünün Telegram kanalında paylaşıb.

Onun sözlərinə görə, Ukrayna diplomatiyanın maraqları naminə razılaşdırılmış vaxt intervallarında zərbələrdə fasilələr təmin etməyə hazırdır.

"Amerikalılar avqustun 25, 26 və 27-də Moskva və Peterburqa zərbələrə fasilə verilməsi xahişi ilə bizə müraciət edəndə, biz bu fasiləyə əməl etdik. Başqa bir dövlət Vladivostok istiqamətində zərbələrə müəyyən müddətə fasilə verilməsi xahişi ilə bizə müraciət edəndə, biz bunu da təmin edəcəyik. Hazırda Moskvada yeni görüşlər hazırlanır, biz bunu da nəzərə alacağıq", — deyə Ukrayna lideri bildirib.

Bizim.Media