BMT Baş katibi: "Yaxın Şərqdə vəziyyət nəzarətdən çıxır"

BMT-nin Baş katibi Antoniu Quterreş təşkilatın Təhlükəsizlik Şurasının iclasında Yaxın Şərqdəki vəziyyətin nəzarətdən çıxmağa başladığını bildirib.

Bizim.Media xəbər verir ki, onun sözlərini "EFE" agentliyi sitat gətirib.

"Vəziyyət nəzarətdən çıxır. Biz əvvəllər təsəvvür belə edilməyən bir vəziyyətin astanasındayıq", - deyə o vurğulayıb.

Quterreş məsələni hərbi əməliyyatlarla deyil, diplomatiya yolu ilə həll etməyə çağırıb.

Qeyd olunur ki, BMT Baş katibinin bu sözlərinə Yəmən husilərinin hərəkətləri səbəb olub.

İyulun 23-də "Ənsar Allah" hərəkatından olan Yəmən husiləri Qırmızı dənizdə Səudiyyə Ərəbistanına məxsus iki neft tankerinə hücum ediblər. Hərəkatın nümayəndələri gəmilərin Qırmızı dənizdə naviqasiya qadağasına tabe olmadıqlarını bəyan ediblər.

Bizim.Media