ABŞ dövlət katibi Marco Rubio Ukraynadakı müharibənin Filippində keçirilən bir görüş və ya mətbuat konfransı ilə başa çatmayacağını bildirib.
Bizim.Media xəbər verir ki, o, bu barədə açıqlamasında danışıb.
Rubionun sözlərinə görə, Vaşinqton sülh sazişinin əldə olunmasını və müharibənin başa çatmasını istəyir.
"Biz müharibənin bitməsi üçün bacardığımız hər cür müsbət rolu oynamağa hazırıq. Lakin buna nail olmaq üçün həm Rusiya, həm də Ukraynanın razılaşa biləcəyi həll yolu tapılmalıdır. Bu, nə mətbuat konfransında, nə də Filippində keçirilən bir görüş zamanı baş verməyəcək", – deyə o bildirib.
ABŞ dövlət katibi qeyd edib ki, münaqişənin nizamlanması uzunmüddətli və ciddi diplomatik səylər tələb edir.
Rubio əlavə edib ki, ABŞ əvvəllər də bu istiqamətdə səylər göstərsə də, nəticə əldə olunmayıb. Onun sözlərinə görə, əgər indi şərait dəyişibsə və irəliləyiş üçün imkan yaranıbsa, Vaşinqton bu prosesdə iştirak etməyə hazırdır.
Bizim.Media
