Ukraynada yaxın aylarda lazer silahı peyda olacaq.
Bizim.Media xəbər verir ki, bu barədə Ukrayna Silahlı Qüvvələrinin baş komandanının müavini Andrey Lebedenko bəyan edib. Onun sözlərini “RBC-Ukrayna” “Telegram” kanalında sitat gətirib.
“Gələcəyin silahı ilə bağlı layihələr hazırlanır. Bu silah bu gün artıq mövcuddur. Həm Ukrayna Silahlı Qüvvələrinin daxilində, həm də ondan kənarda — lazer silahı istehsal edən özəl müəssisələrdə istehsalçılar və komandalar var”, — deyə o bildirib.
Lebedenkonun sözlərinə görə, lazer silahı pilotsuz uçuş aparatları (PUA) ilə mübarizədə tətbiq edilə bilər.
USQ baş komandanının müavini hesab edir ki, bu cür silahlar artıq 2-3 aydan sonra Ukrayna ordusunun arsenalında yer ala bilər.
Bizim.Media
