"Kasıb ölmək" arzusunda olan milyarder vəfat etdi

ABŞ-ın tanınmış milyarderi və xeyriyyəçisi T. Denni Sanford 90 yaşında vəfat edib. O, həyatının sonunadək sərvətini xeyriyyə işlərinə xərcləyərək kasıb ölməyi qarşısına məqsəd qoymuşdu.

Bizim.Media xəbər verir ki, Sanford sağlığında 4 milyard dollardan çox vəsaiti tibb, təhsil və elm sahələrinə ianə edib. Onun təxminən 2 milyard dolları adını daşıyan Sanford Health tibb şəbəkəsinin inkişafına yönəldilib.

2007-ci ildə Forbes jurnalına müsahibəsində o, "Cibimdə bir qəpik qalmadan ölmək istəyirəm" demişdi.
 

Sanford sərvətini 1986-cı ildə aldığı First Premier Bank vasitəsilə qazanıb. Bankın yüksək faizli kredit kartları biznesi ona milyardlarla dollar qazandırıb. Daha sonra isə o, sərvətinin böyük hissəsini xeyriyyə məqsədləri üçün bağışlayaraq 2010-cu ildə Giving Pledge təşəbbüsünə qoşulub.

Bununla belə, milyarderin son illəri qalmaqalla yadda qalıb. 2020-ci ildə onun adı uşaq pornoqrafiyası ilə bağlı araşdırmada hallansa da, 2022-ci ildə Cənubi Dakota prokurorluğu cinayət tərkibi müəyyən etmədiyi üçün ittiham irəli sürməyib. Buna baxmayaraq, 2023-cü ildə Sanford Giving Pledge təşəbbüsünün iştirakçıları sırasından çıxarılıb.

Bütün mübahisələrə baxmayaraq, Sanford ABŞ tarixində XXI əsrin ən səxavətli xeyriyyəçilərindən biri kimi yadda qalıb.

Bizim.Media