İsraildə məhkumların qaçmasının qarşısını almaq üçün qeyri-adi təhlükəsizlik tədbirinin tətbiqi planlaşdırılır.
Bizim.Media xəbər verir ki, yerli mətbuatın yaydığı məlumata görə, ölkədə həbsxanaların mühafizəsinə timsahlar cəlb edilə bilər.
Yeni qərara əsasən, İsrail Həbsxana Xidmətinə (IPS) xüsusilə milli təhlükəsizlik əleyhinə cinayətlərdə ittiham olunan və ağır cəza çəkən məhbusların saxlanıldığı cəzaçəkmə müəssisələrinin ətrafında timsahların yerləşdirilməsinə icazə veriləcək.
Məlumata görə, bu qeyri-adi təhlükəsizlik sisteminin sınaqdan keçirilməsi üçün ilkin pilot layihənin ölkənin ən böyük həbsxanalarından biri olan "Ketsiot" cəzaçəkmə müəssisəsində reallaşdırılması gözlənilir. Layihə çərçivəsində həbsxana divarlarının ətrafında timsahlarla dolu xüsusi su xəndəklərinin yaradılması nəzərdə tutulur.
Bizim.Media
