Rusiya dronunun Rumıniyanı vurduğuna dair rəsmi sübutlar – FOTO

Rumıniyanın Rusiya istehsalı olan pilotsuz uçuş aparatı (PUA) tərəfindən hücuma məruz qalmasına dair rəsmi sənədlər üzə çıxıb.

Bizim.Media xəbər verir ki, ölkə Prezidenti Nikuşor Dan rəsmi ekspertiza hesabatında yer alan fotoşəkilləri ictimaiyyətə təqdim edib.

Lakin hadisə fonunda Rumıniya dövlət başçısının Britaniyanın məşhur "BBC" teleradio şirkətinin efirində səsləndirdiyi bəyanat daha böyük maraq doğurub.

Prezident qeyd edib ki, Rumıniya vətəndaşlarının zərər çəkməməsi üçün Rusiya Ukraynanın sərhədyanı şəhərlərinə endirdiyi zərbələrin taktikasını mütləq dəyişməlidir:

"Rusiyalılar Dunay çayının o tayındakı Ukrayna şəhərlərini vuran zaman Rumıniya vətəndaşlarına heç bir zərər vurmayacaqlarından tam əmin olmalıdırlar".








Bizim.Media