ABŞ İranın İslam Respublikasının nüvə arsenalının bərpa olunmamasını təmin edəcək bir prosesdə Vaşinqtonla əməkdaşlıq etməsini istəyir.
Bizim.Media “Guardian”a istinadla xəbər verir ki, bu barədə Ağ Evdə keçirilən brifinqdə ABŞ-ın vitse-prezidenti Cey. Di. Vens bildirib.
"Biz İrandan yalnız nüvə silahından imtina öhdəliyini deyil, həm də iranlıların illər sonra öz nüvə potensialını yenidən bərpa etməsinə imkan verməyəcək bir prosesdə bizimlə əməkdaşlıq etmək istəyini görmək istəyirik", — deyə o qeyd edib.
Vens vurğulayıb ki, əgər İran heç vaxt nüvə silahına sahib olmayacağına dair öhdəlik götürərsə, ABŞ saziş bağlamağa hazırdır.
Əks halda amerikalılar İslam Respublikasına qarşı hərbi əməliyyatları bərpa edə bilərlər.
Bizim.Media
