Danimarkalı səyyah Henrik Yeppesen 193 ölkədə olub və 400-dən çox adanı ziyarət edib.
Bizim.Media xəbər verir ki, bu barədə UNİAN nəşri yazıb.
Onun sözlərinə görə, dünyanın ən gözəl adası Cənubi Atlantikada yerləşən Böyük Britaniyanın dənizaşırı ərazisinin bir hissəsi olan Cənubi Georgiya adasıdır.
Turist bu adanı “əsl təbiət incisi” adlandırıb. Burada milyonlarla pinqvin, on minlərlə suitilər və saysız-hesabsız dəniz quşları yaşayır. Qarla örtülü dağlar, nəhəng buzlaqlar və fiyordlar adanı unikal edir.
Qeyd olunur ki, Cənubi Georgiya dünyanın ən ucqar yerlərindən biridir və ora yalnız kruiz gəmiləri ilə getmək mümkündür.
Bizim.Media
