Amerikalı jurnalist Nik Şifrin ABŞ Prezidenti Donald Trampın Norveç baş naziri Yonas Gaar Storeyə yazdığı məktubu yayımlayıb.
Bizim.Media xəbər verir ki, bu barədə “SVEZHESTI” məlumat yayıb.
Məktubda Tramp ona Nobel Sülh Mükafatının verilməməsini Qrenlandiya məsələsi ilə əlaqələndirib:
“Əziz Yonas: Sizin ölkəniz mənə səkkizdən çox müharibənin qarşısını almaqda göstərdiyim xidmətlərə görə Nobel Sülh Mükafatı vermədi. Belə çıxır ki, mən indi sülh barədə düşünməməliyəm. ABŞ üçün nə yaxşıdır, yalnız o haqda düşünə bilərəm.
Danimarka bu torpağı Rusiya və ya Çin qarşısında qoruya bilməz, və ümumiyyətlə, onların “mülkiyyət hüququ” varmı? Yazılı heç bir sənəd yoxdur, yalnız uzun illər öncə bir gəmi buraya çıxmışdı, amma biz də oraya gəmilər göndərmişdik. Mən yaradıldığı gündən bəri NATO üçün hamıdan fərqli olaraq daha çox iş görmüşəm və indi NATO ABŞ üçün bir şey etməlidir. Əgər biz Qrenlandiya üzərində tam və ümumi nəzarət əldə etməsək, dünya təhlükəsiz olmayacaq.”
Bizim.Media
