Ternopolda Rusiya zərbəsinin vurduğu ərazidə axtarış-xilasetmə işləri davam edir.
Bizim.Media xəbər verir ki, bu barədə informasiyanı Ukraynanın Fövqəladə Hallar üzrə Dövlət Xidməti yayıb.
Səhər saatlarına olan məlumata görə, həlak olanlar və yaralananlarla bağlı göstəricilərdə dəyişiklik yoxdur. Rusiya zərbəsi 26 nəfərin, o cümlədən 3 uşağın həyatına son qoyub. 93 nəfər yaralanıb, onların 18-i uşaqdır. 46 nəfər xilas edilib.
Xilasedicilər bütün gecə işləyiblər. 700 m²-dən çox dağıntı təmizlənib, 230 m³ dağıdılmış konstruksiyalar ərazidən çıxarılıb. Yeri hələ də məlum olmayan insanların axtarışı davam edir.
İşlər konstruksiyaların ciddi şəkildə parçalanması, genişmiqyaslı dağıntılar və bəzi sahələrdə yalnız əl ilə işləmək məcburiyyəti səbəbilə çətinləşir.
Bizim.Media
