ABŞ prezidenti Donald Tramp sülh danışıqlarına hazırlıq məqsədilə aparılan telefon danışığı nəticəsiz qaldıqdan sonra, yaxın gələcəkdə Rusiya lideri Vladimir Putin ilə görüşməyəcək.
Bizim.Media xəbər verir ki, bu barədə The Telegraph məlumat yayıb.
Nəşrin yazdığına görə, sammitə hazırlıq prosesi Moskvanın Rusiya xarici işlər naziri Sergey Lavrov və ABŞ dövlət katibi Marko Rubio arasında nəzərdə tutulan şəxsi hazırlıq görüşünü ləğv etməsi ilə dayanıb.
Tramp, hər iki ölkənin nümayəndələrinin Putinlə görüşünə hazırlıq məqsədilə Macarıstanda toplanmasını istəyirdi.
Lakin Lavrov və Rubio arasında bazar ertəsi baş tutan telefon danışığı uğursuz olub. Gərgin keçən danışıqlar zamanı Lavrovun Rubioya Rusiyanın Ukraynada cəbhə xəttinin dondurulmasına razı olmadığını bildirdiyi güman olunur.
Bizim.Media
