“Ukraynada döyüşən tərəflər dərhal atəşi dayandırmalı və cəbhə xəttində mövqelərini olduğu kimi saxlamalıdırlar”.
Bizim.Media xəbər verir ki, bu fikirləri ABŞ Prezidenti Donald Tramp jurnalistlərə açıqlamasında bildirib.
“Ukrayna Prezidenti Volodimir Zelenski ilə görüşdüm. Görüş, mənim fikrimcə, çox yaxşı, səmimi və dostyana keçdi. Müharibə dərhal dayandırılmalıdır.
Dayanmaq lazımdır – cəbhə xətti haradan keçirirsə, elə orada. Əks halda, vəziyyət o qədər qarışacaq ki, sonradan bunun içindən çıxmaq mümkün olmayacaq.
Hər iki tərəf evlərinə, ailələrinin yanına qayıtmalı, qətlləri dayandırmalıdır. Dayanmaq lazımdır — elə indi, cəbhə xətti boyunca. Mən bunu Prezident Zelenskiyə dedim. Mən bunu Prezident Putinə də dedim. Hər kəsə təşəkkür edirəm,” – deyə ABŞ Prezidenti Donald Tramp vurğulayıb.
Bizim.Media
