Ukrayna Təhlükəsizlik Xidmətinin zəng mərkəzinə ölkə prezidenti Vladimir Zelenskiyə qarşı sui-qəsdin hazırlanması barədə məlumat daxil olub.
Bizim.Media “ria novosti”-yə istinadən xəbər verir ki, xidmətin telefon xəttinə zəng edən şəxs özünü Georgiyev Vladimir Aleksandroviç kimi təqdim edib.
Həmin şəxs bildirib ki, Ukrayna prezidentinə qarşı sui-qəsdin təşkili və Ali Radanın binasına hücum barədə danışılanları eşidib.
MÖVZU İLƏ BAĞLI:
Lukaşenkonun özü və övladlarına qarşı sui-qəsdə cəhd edilib
Mərkəzdən həmin nömrəyə cavab zəngi zamanı isə dəstəyi bir xanım qaldırıb.
O isə Kiyev-Peçerski monastrının işçisi olduğunu bəyan edib. Qadının sözlərinə görə, zəng edən psixi pozğunluqları olan şəxsdir və o, tez-tez məbədin meydançasında gəzişir.
Hazırda naməlum şəxs axtarışdadır. Məsələ ilə bağlı araşdırma aparılır.
Bizim.Media
