Moskvanın Meşçanski Məhkəməsi dövlətə xəyanət işi çərçivəsində fərdi sahibkarı Sergey Derevyankonu istintaq təcridxanasına göndərib. O, saxlanılana qədər topdansatışla, o cümlədən zərgərlik məmulatlarının satışı ilə, həmçinin fermer fəaliyyəti ilə məşğul olub.
Bizim.Media xəbər verir ki, TASS-ın tanış olduğu məhkəmə kartotekasına əsasən, iş adamı həbsi hələlik şikayət etməyib.
“Məhkəmə istintaqın S.İ. Derevyankoya qarşı həbs qətimkan tədbiri seçilməsi barədə vəsatətini təmin etdi. Qərar qüvvəyə minib” – məhkəmə kartotekasında bildirilir.
Dövlətə xəyanətlə bağlı materiallar mətbuat və ictimaiyyət üçün qapalı şəkildə baxıldığına görə, məhkəmədə işin təfərrüatları, o cümlədən həbs qətimkan tədbiri ilə bağlı məqamlar şərh edilməyib. Bu maddə üzrə Derevyankoya ömürlük azadlıqdan məhrumetməyə qədər cəza verilə bilər.
Avqustun sonunda Meşçanski Məhkəməsi fərdi sahibkar Oleq Kuryaev və Moskvaətrafı Balaşixada qeydiyyatda olan Oleq Qrannikovun həbsini də təsdiqləyib. Ötən həftə isə dövlətə xəyanət ittihamı ilə xarici universitetin 4-cü kurs tələbəsi Aleksandr Karpovets təcridxanaya göndərilib.
O, qeyri-rəsmi şəkildə Bestage şirkətində sürücü və işıq üzrə rəssam kimi çalışıb. Kuryayevin sürücüsü də tələbə Karpovets kimi, cinayət məsuliyyətinə cəlb edilməzdən əvvəl üç dəfə inzibati həbslə üzləşmişdi.
Bizim.Media
