AFP agentliyinin fotoqrafı Endryu Kabalero-Reynolds bu günün fotosunu paylaşıb.
Bizim.Media xəbər verir ki, şəkildə ABŞ prezidenti Donald Tramp və onun nəvəsi Vaşinqtondakı Ağ Evin cənub çəmənliyində karvana minib Trump National qolf sahəsinə doğru gedirlər.
Xatırladaq ki, internetdə Trampın guya öldüyünə dair fərziyyələr viral hal alıb, çünki o, bir neçə gün boyunca həm sosial mediada, həm də ictimaiyyət qarşısında görünməyib.
Trampın insanlarla görüşməməsi və Truth Social-da paylaşım etməməsi müzakirələrə səbəb olub. Çünki əvvəllər Cey Di Vens demişdi ki, əgər Trampla "dəhşətli bir hadisə" baş verərsə, o, prezident vəzifəsini tutmağa hazırdır. Bundan əlavə, bir neçə gün əvvəl Trampın əlində bir göyərti (şiş) müşahidə olunub.
Prezidentin sözlərinə görə, bu, tez-tez əl sıxmalar səbəbindən yaranıb.
Buna görə də, #TrumpIsDead teqi sürətlə yayıldı və istifadəçilər Trampın ölümünü rəsmi və qeyri-rəsmi yollarla təsdiqləməyə çalışdılar.
Lakin yüksək vəzifəli bir ABŞ rəsmisi Axios-a açıqlamasında prezidentin ölümünə dair şayiələri təkzib edib və bildirib ki, Tramp özünü əla hiss edir və bu gün səhər qolf oynamağa gedəcək.
Bizim.Media