31 avqust – hər il dünyada Afrika mənşəli insanların Beynəlxalq Günü qeyd olunur.
Bizim.Media xəbər verir ki, bu barədə Bakı Təşəbbüs Qrupu sosial şəbəkələrdə yazıb.
Mənbə qeyd edir ki, bu günün məqsədi Afrika mənşəli insanların qlobal cəmiyyətlərə verdiyi mühüm töhfələri yad etmək, onların fundamental insan hüquqlarını təşviq etmək və hələ də üzləşdikləri ayrı-seçkilik və bərabərsizlik problemlərinə diqqət çəkməkdir.
Vurğulanıb ki, Fransanın müstəmləkəçilik irsi, xüsusilə onun dənizaşırı ərazilərində, Afrika mənşəli icmalara zərər vurmağa davam edir.
Bakı Təşəbbüs Qrupu bu davam edən ədalətsizliklərə qarşı qəti mövqe nümayiş etdirib və BMT-nin Baş Qərargahında keçirilən konfranslarda dəstək səsini yüksəldərək Fransanın Afrika mənşəli insanları sıxışdırmaqda davam edən yeni müstəmləkəçi siyasətini qınayıb:
“Biz ədalət, bərabərlik və bütün məzlum icmaların azadlığı uğrunda birgə dayanırıq”.
Bizim.Media
