Suriya səmasında Rusiya ordusuna aid “uçan radarlar” və kəşfiyyat təyyarələri qeydə alınıb.
Videogörüntünü terrorçuların fəaliyyətinin monitorinqini aparan “Directorate 4” təşkilatı öz “Telegram” kanalında yayıb.
Həma vilayətinin üzərindən uçan təyyarələrin “İL-20” radio-elektron kəşfiyyat və uzaq məsafəli radiolokasiya tuşlama sistemi olan “A-50U” hərbi hava gəmisi olduğu bildirilir.
Qeyd edək ki, Rusiyanın Suriyadakı Hmeymim bazasına dörd “SU-35C” və bir “A-50U” radiolokasiya təyyarəsi göndərdiyi barədə xəbərlər hələ fevral ayında yayılıb.
Uzaq məsafəli radiolokasiya aşkarlama və idarəetmə sistemi ilə təchiz olunmuş “A-50U” təyyarəsi “İL-76” hərbi-nəqliyyat maşınının bazasında hazırlanıb.
Göyərtəyə quraşdırılmış çoxfunksiyalı radiotexnika kompleksi hava, su və quru hədəflərini aşkarlamağa, hədəfləri ötürməyə və müttəfiq qüvvələrlə əlaqələndirməyə imkan verir.
