“Bayden ölülərə səs verdirir”- TRAMP TƏRƏFDARLARI

Dünya ABŞ-dakı prezidentlik yarışında ciddi bir rəqabətin şahidi olur.

Bizim.Media xarici mətbuata istinadən xəbər verir ki, Demokratlardan olan namizəd Co Bayden poçt səslərinin sayılmasına başlanması ilə bəzi kritik ştatlarda liderliyi ələ alıb.

Seçkidən əvvəl poçt səsverməsinə qarşı çıxaraq səslərin sayılmasını dayandırmaq üçün qanuni addımlar atan Tramp isə ona verilən səslərin zibil qablarında olduğunu, yandırıldığını iddia edərək bu hadisələrin  Amerika demokratiyası tarixinə bir ləkə saldığını bildirib.

Trampın tərəfdarları isə seçkilərdəki şübhəli vəziyyətləri sosial şəbəkələrdə paylaşaraq insanları diqqətli olmağa çağırırlar. Tramp tərəfdarlarından biri  Bayden adına səs vermiş şəxsin məlumatlarını rəsmi bir sistemə yükləyərək yoxlayıb. Nəticədə isə səs verdiyi görülən şəxsin ölü olaraq qeyddə olduğu bilinib.

Bizim.Media