Somalinin Qalmuduq əyalətində baş verən terror hücumları nəticəsində 14 nəfər ölüb.
Bizim.Media yerli KİV-lərinə istinadən məlumat verir ki, partlayıcı qurğu Dusamareb kəndində yolun kənarında quraşdırılıb.
MÖVZU İLƏ BAĞLI:
Somalinin paytaxtında güclü partlayış oldu – Ölən və yaralananlar var
Terror qurbanlarının arasında yerli kəşfiyyat rəisi Əbdürəşid Abdinurun olduğu da bildirilir. Qurbanlar arasında 2 azyaşlı uşağın da olduğu bildirilir.
Partlayışa görə məsuliyyəti “Əş-Şabab” terror qruplaşması öz üzərinə götürüb.
Xatırladaq ki, bu gün səhər saatlarında Somalinin paytaxtı Mogadişoda inşa edilən Mogadişu-Afgoye yoluna qoyulmuş minanın partlaması nəticəsində üç polis məmuru yaralanıb.
Baş verən terror hadisələrinin Somalidə yaxınlaşmaqda olan seçkilərə təsir etmək üçün edildiyi qeyd olunur.
Bizim.Media
