Fransada kütləvi etiraz aksiyası başlayıb.
Bizim.Media RT-yə istinadən xəbər verir ki, etirazçılar “Qlobal təhlükəsizlik haqqında” qanun layihəsinin bir sıra maddələrinə qarşı çıxaraq Paris şəhərində Respublika Meydanına axışıblar.
Aksiya iştirakçıları kütləvi həbs olunur. Polis etirazçı kütləsinə tüstü bombaları atır.
Xatırladaq ki, etirazçılar mətbuat azadlığı tələb edir. Onlar polis zorakılığına qarşı etiraz edirlər.
Belə ki, "Qlobal təhlükəsizlik haqqında" qanun layihəsinin 24-cü maddəsinə görə, insanlar polislərin fotolarını internetdə üzləri görünən yerlərdə yerləşdirdiklərinə, həmçinin ünvanlarını və soyadlarını bildirdiklərinə görə həbs və ya cərimə olunacaqlar.
Etirazçıların fikrincə, bu sənəd söz azadlığını pozur.
Bizim.Media
