Sentyabrın 7-i saat 09 radələrində Ağsu Rayon Polis Şöbəsinə Bakı-Sumqayıt avtomobil yolunun kənarında Ağsu rayon sakini, 1989-cu il təvəllüdlü Aybəniz Abdullayevanın itkin düşməsi ilə bağlı müraciət olunub. Onun sentyabrın 2-də Bakı-Sumqayıt avtomobil yolunda itkin düşdüyü bildirilir.
Daha sonra isə onun üzərində xəsarət izləri olan meyitinin aşkar olunması barədə Abşeron Rayon Prokurorluğuna məlumat daxil olub.
Bu barədə Bizim.Media-ya Abşeron rayon prokurorluğundan məlumat verilib.
Aparılan araşdırmalarla zərərçəkmişin atası, 1965-ci il təvəllüdlü Nazim Əliyevin şəxsi münasibətlər zəminində aralarında yaranan münaqişə zamanı bıçaqla xəsarətlər yetirərək Aybəniz Abdullayevanı qəsdən öldürməsinə əsaslı şübhələr müəyyən edilib.
Faktla bağlı Abşeron Rayon Prokurorluğunda Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanılıb.
Nazim Əliyev şübhəli şəxs qismində tutularaq istintaqa cəlb edilib.
İş üzrə istintaq davam edir.
Bizim.Media
