Təhsil Nazirliyi son zamanlar bir sıra xarici ali məktəblərin diplomlarının ölkəmizdə tanınmadığıyla bağlı açıqlama verib. Görəsən, 4 - 5 il xaricdə oxuyub gələn gənclərin diplomunun tanınmamasına səbəb nədir?
Məsələ ilə bağlı Moderator.az - a açıqlama verən F - Group Academy - nin xaricdə təhsil üzrə eksperti Fuad Hacıyev bildirdi ki, əsas məsələ insanların düzgün məlumatlandırılmasıdır:
“Təhsil Nazirliyi bəzi hallarda diplomları tanımır. Bunun səbəbləri ilə bağlı insanları məlumatlandırmaq lazımdır. Mən deyərdim ki, xaricə təhsil almağa gedən gənclərimiz əksər hallarda diplomlarının tanınıb - tanınmayacağından xəbərdar olurlar. Məsələdə 3 əsas şərt var. İlk öncə tələbənin getdiyi xarici ölkə ilə Azərbaycanın diplomlarının tanınmasına dair razılaşma olmalıdır. Ikinci şərt odur ki, tələbə təhsil müddətində həmin xarici ölkədə olmalıdır ( giriş - çıxış yoxlanır) üçüncü amil isə unveristetin xaricdən tələbə almağa icazəsi olmalidir. Bizim abituriyentlər yalnız bu məsələləri araşdırdıqdan sonra problemlə üzləşməzlər.”x9d
Xəyal Əzizov
