Mayın 8-də keçirilən Azərbaycan dili (dövlət dili kimi) imtahanında “qeyri məqbul” alan, lakin ali və orta ixtisas təhsili müəssisələrinin (11 illik bazada) xüsusi qabiliyyət tələb edən ixtisaslarına qəbul olmaq istəyən abituriyentlərə qabiliyyət imtahanlarında iştirak etmək üçün qeydiyyatdan keçməyə icazə verilir.
Dövlət İmtahan Mərkəzindən (DİM) Bizim.Media-ya verilən məlumata görə, imtahandan “məqbul” alan abituriyentlərlə yanaşı, “qeyri-məqbul” alan abituriyentlər də qabiliyyət imtahanlarında iştirak etmək üçün 27 may saat 23:59-dək verilən link vasitəsilə qeydiyyatdan keçə bilərlər.
Lakin bu imtahandan “qeyri-məqbul” alan abituriyentlərin nəzərinə çatdırırıq ki, onlar 12 iyun tarixində keçiriləcək ikinci Azərbaycan dili imtahanında iştirak etməli və “məqbul” qiymət almalıdırlar.
İkinci imtahana qeydiyyat tarixləri elan olunacaq.
Xatırladaq ki, ali və ya orta ixtisas təhsili müəssisələrinin müsabiqəsində Azərbaycan dili (dövlət dili kimi) imtahanından “məqbul” qiymət alan abituriyentlər iştirak edə bilərlər.
Bizim.Media
- A-
- A
- A+
Cəmiyyət
21:12 / 20.05.2022
İmtahanda “qeyri-məqbul” alan abituriyentlər, DİQQƏT!
Hazırda oxunan: İmtahanda “qeyri-məqbul” alan abituriyentlər, DİQQƏT!
Hazırda oxunan: İmtahanda “qeyri-məqbul” alan abituriyentlər, DİQQƏT!
75428
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
