Müxtəlif ödənişli xidmətlərdən əhali necə yararlanıb? – RƏSMİ

Cari ilin yanvar-fevral aylarında əhaliyə göstərilən ödənişli xidmətlərin dəyəri 2021-ci ilin müvafiq dövrü ilə müqayisədə real ifadədə 5 faiz artaraq 1 milyard 404,2 milyon manat olub.

Dövlət Statistika Komitəsindən Bizim.Media-ya bildirilib ki, hüquqi şəxslər tərəfindən əhaliyə 1 milyard 55,6 milyon manatlıq xidmət göstərilib ki, bu da xidmətlərin ümumi dəyərinin 75,2 faizini təşkil edib.

Cari ilin yanvar-fevral aylarında hər bir ölkə sakini orta hesabla 139,8 manatlıq və ya ötən ilin müvafiq dövrü ilə müqayisədə nominal ifadədə 18,2 manat çox müxtəlif ödənişli xidmətlərdən istifadə edib.

Bizim.Media